ಯಶಸ್ವೀ ಪ್ರೀತಿಗೆ ಮೂರು ಮೆಟ್ಟಿಲುಗಳು

“I love you” takes 3 seconds to say, 3 hours to explain and a lifetime to prove.

ಹೌದು, ಪ್ರೀತಿ ಎಂದರೆ ಒಂದರ್ಥದಲ್ಲಿ ಬೇಧಿಸಿಕೊಂಡು ಹೊರ ಬರಲಾಗದಂತಹ ಚಕ್ರವ್ಯೂಹ. ಇದರಲ್ಲ್ಲಿ ಎಲ್ಲವೂ ಇದೆ. ಸ್ಪಲ್ಪ ಖುಷಿ ಇದ್ದರೆ, ಹೆಚ್ಚು ನೋವಿದೆ. ಆ ನೋವಿನಲ್ಲೇ ಎನೋ ಒಂದು ತರಹದ ಸುಖವಿದೆ. ಅದು ಸುಖವೋ, ನೋವೋ ಎಂದು ಅರಿಯುವುದು ಕಷ್ಟಸಾಧ್ಯ. Once you start loving someone, it’s hard to stop.. ಎಂದು ಹೇಳಿರುವುದು ಇದಕ್ಕೆ.

 ಪ್ರೀತಿ ಎಂಬ ಎರಡೂವರೆ ಅಕ್ಷರವನ್ನು ನಿರೂಪಿಸುವುದು ಬಹಳ ಕಷ್ಟ. ಯಾಕೆಂದರೆ ಅದನ್ನು ಪದಗಳಲ್ಲಿ ವರ್ಣಿಸುವುದಕ್ಕೆ ಸಾಧ್ಯವಿಲ್ಲ. ಅದೇನೇ ಇದ್ದರೂ ಅದನ್ನು ಅನುಭವಿಸಿಯೇ ತೀರಬೇಕು. ಅದರಲ್ಲೂ ನಿಜವಾದ ಪ್ರೀತಿ ಅಂದರೆ ಯಾವುದು? ನಿಜವಾದ ಪ್ರೀತಿ ಅಂದರೇನು? ನಿಜವಾದ ಪ್ರೀತಿಯನ್ನು ಗುರುತಿಸುವುದು ಹೇಗೆ? ಎಂಬೆಲ್ಲಾ ಪ್ರಶ್ನೆಗಳು ಪ್ರೀತಿಸಿದವರ, ಮನದಲ್ಲಿ ಮೂಡುವುದು ಸಹಜ.

ಪ್ರೀತಿಸುವ ಪ್ರತಿಯೊಬ್ಬರಿಗೂ ಮೂರು ಮುಖ್ಯ ಹಂತಗಳಲ್ಲಿ ಪ್ರೀತಿ ತನ್ನನ್ನು ತಾನು ಪರೀಕ್ಷಿಸಿಕೊಳ್ಳುತ್ತೆ. ಪ್ರೀತಿ ತನ್ನ ಪ್ರಭಾವ ತೋರಿಸೋದೆ ಮೂರನೇ ಹಂತದಲ್ಲಿ..! ಯಾವುವು ಆ ಮೂರು ಹಂತಗಳು ಎಂದು ಆಲೋಚಿಸುತ್ತಿದ್ದೀರಾ?

ಮೊದಲನೆಯದು ಹಾಗೋ ಹೀಗೋ ಕಳೆದುಹೋಗಿಬಿಡುತ್ತೆ. ಇಷ್ಟಪಟ್ಟವರಿಗೆ ಕಷ್ಟಪಟ್ಟು ಹೇಗೋ ಐ ಲವ್ ಯೂ ಎಂದು ಹೇಳಿಬಿಡುತ್ತೀರಿ. ಆ ಕ್ಷಣ ಬದುಕಿನ ಒಂದನೇ ಹಂತವನ್ನು ನೀವು ದಾಟಿ ಹೋಗಿರುತ್ತೀರಿ.   ಎಡನೇ ಹಂತಕ್ಕೆ ನೀವು ಬಂದು ತಲುಪಿದಾಗ ಮೊದಲನೇ ಹಂತದಲ್ಲಿದ್ದ ನಿಮ್ಮ ಉತ್ಸಾಹ ಹಾಗೆಯೇ ಉಳಿದಿರುವುದಿಲ್ಲ. ಇಲ್ಲಿ ಅನುಮಾನ, ಹಠ, ತಾಳ್ಮೆ ಮತ್ತು ಅರ್ಥ ಮಾಡಿಕೊಳ್ಳುವಿಕೆ ಎಂಬುದು ನಿಮ್ಮ ಪ್ರೀತಿಯನ್ನು ಪರೀಕ್ಷಿಸಲು ನಿಲ್ಲುತ್ತವೆ. ಇದರಲ್ಲಿ ನಿಮ್ಮ ಗೆಲುವು ನೀಮ್ಮ ಪ್ರೀತಿಯ ಪಾವಿತ್ರ್ಯತೆ ಮತ್ತು ದೃಢತೆಯನ್ನು ಅವಲಂಬಿಸಿರುತ್ತೆ. ನಿಮ್ಮ ಪ್ರೀತಿ ನಿಜವೇ ಆಗಿದ್ದರೆ ಮೂರನೇ ಮೆಟ್ಟಿಲೇರಲು ನೀವು ಅರ್ಹರಾಗುತ್ತೀರಿ. ಇಲ್ಲದಿದ್ದರೆ. ಪ್ರೀತಿ ಒಂದು ಮಕ್ಕಳಾಟ, ವಯಸ್ಸಿನ ಆಸೆಗಳ  ಈಡೇರಿಕೆಗೆ  ಉಪಯೋಗಿಸುವ ಒಂದು ಶಬ್ದವೇ ಪ್ರೀತಿ ಎಂದೆನಿಸಿಬಿಡುತ್ತೆ.

ಕರಗಿಸದೇ ಚಿನ್ನದ ಗುಣಮಟ್ಟ ಅಳೆಯಲು ಸಾಧ್ಯವಿಲ್ಲ. ಶಿಲ್ಪಿಯ ಕೈಯಿಂದ ಉಳಿಯೇಟು ಬೀಳದೇ ಶಿಲೆ ಶಿಲ್ಪವಾಗುವುದಿಲ್ಲ. ಎರಡನೇ ಹಂತದಲ್ಲಿ ಪ್ರೀತಿಯ ಪರೀಕ್ಷೆ ನಡೆದರೆ  ಇನ್ನು ಮೂರನೇ ಹಂತದಲ್ಲಿ ತಾಳ್ಮೆಯ ಪರೀಕ್ಷೆ. ಇಲ್ಲಿ ತಾಳ್ಮೆ,  ನಂಬಿಕೆ ಮುಖ್ಯ, ಕಷ್ಟಗಳನ್ನು ಎದುರಿಸಿ ಜಯಿಸುವ ಮನಸ್ಸು ಮುಖ್ಯ. ಮನೆಯವರನ್ನು, ಸಮಾಜವನ್ನು ಎದುರಿಸಿ ಬದುಕಿ ತೋರಿಸಲು ನಿಮ್ಮಿಂದಾದರೆ, ನಿಮ್ಮವರೇ ನಿಮ್ಮನ್ನು ಕೊನೆಗೊಂದು ದಿನ ಒಪ್ಪಿಕೊಂಡು, ನೀವು ಮಾಡಿದ ತಪ್ಪು ನಿಮ್ಮವರಿಗೆಲ್ಲ ತಪ್ಪಲ್ಲ ಎಂದೆನಿಸಿದರೆ,  ನಿಮ್ಮ ಬದುಕಿನ ಪಯಣದಲ್ಲಿ ಪ್ರೀತಿಯ ಪರೀಕ್ಷೆಯಲ್ಲಿ ನೀವು ಪಾಸಾದಂತೆಯೇ. ಅದರೆ, ಅಸಲಿ ಸತ್ವಪರೀಕ್ಷೆಗಳು ಎದುರಾಗುವುದು ಈ ಹಂತದಲ್ಲೇ.

ಒಂದೆಡೆ ಸಮಾಜ ಕೇಳುವ ಪ್ರಶ್ನೆಗೆ ಉತ್ತರಿಸುವ ಅನಿವಾರ್ಯತೆ,  ಬದುಕಿನಲ್ಲಿ ಬದುಕಲಿಕ್ಕಾಗಿ ಕೆಲಸ ಹಿಡಿದು ಕನಸು ಕಟ್ಟಿ ಹೋರಾಡುವ ಹಂತ. ನಿಮ್ಮನ್ನು ನೀವು ಅರ್ಪಿಸಿಕೊಳ್ಳುವ ಹಂತ. ನಿಮ್ಮ ತಾಳ್ಮೆಗೆ ಆಗಾಗ ಉಳಿ ಏಟುಗಳು ಬೀಳುವ ಹಂತ. ಈ ಎಲ್ಲ ಕಷ್ಟಗಳನ್ನು ಎದುರಿಸುವ ಮನೋಸ್ಥೈರ್ಯ ನಿಮಗಿದ್ದು, ಏನೇ ಮಾಡಿದರೂ  ಪ್ರೀತಿಸಿದವರನ್ನು ಸಹಿಸಿಕೊಳ್ಳುವ ತಾಳ್ಮೆ ನಿಮಗಿದ್ದರೆ ಒಂದು ಹಂತಕ್ಕೆ ಪ್ರೀತಿಯಲ್ಲಿ ನೀವು ಪಾಸಾದಂತೆಯೇ. ನಿಮ್ಮ ಪ್ರೀತಿಯನ್ನು ನಿರೂಪಿಸಿದಂತೆಯೇ.

ನಿಜವಾದ ಪ್ರೀತಿ ಏನು ಎಂಬುದರ ಬಗ್ಗೆ ತಿಳಿದುಕೊಳ್ಳುವುದು ಬಹಳ ಅಗತ್ಯ. ಪ್ರೀತಿಯ ಸಂಬಂಧವನ್ನು ಬೆಳೆಸುವಾಗ ನಿಜವಾದ ಪ್ರೀತಿ ಹೌದೋ ಅಲ್ಲವೋ ಎಂಬುದನ್ನು ಅರ್ಥ ಮಾಡಿಕೊಳ್ಳಲೇಬೇಕು. ಹಾಗಾಗಿ ಪ್ರೀತಿಯ ಸಂಬಂಧ ಬೆಳೆಸುವಾಗ ಯೋಚಿಸಿ ನಿರ್ಧಾರ ಕೈಗೊಳ್ಳುವುದು ಸೂಕ್ತ.